काठमाडौं । सिरी ‘ए’मा युभेन्टसले लगातार दोस्रो जित हात पारेको छ । डुसान भ्लाहोभिचको दुई गोल र निकोलो साभोनाको गोलको मद्दतमा युभेन्टसले भेरोनामाथि ३–० गोलको जित निकालेको हो ।

भ्लाहोभिचले २८औं र ५३औं तथा साभोनाले ३९औं मिनेटमा गोल गर्दै युभेन्टसलाई सानदार जित दिलाए ।

निकोलो साभोनाको यो डुब्यु खेल थियो । उनले पहिलो खेलमै गोल गर्दै सुखद् सुरुवात गरे ।

योसँगै शीर्ष स्थानको युभेन्टसले ६ अंक बटुलेको छ भने नवौं स्थानमा रहेको भेरोनाले तीन अंक छ ।