काठमाडौं । म्यान्चेस्टर सिटीले इङ्लिस प्रिमियर लिगमा वेस्टह्यम युनाइटेडमाथि सुविधाजनक जित निकालेको छ ।

गएराति सम्पन्न खेलमा एर्लिङ हालान्डको ह्याट्रिकको मद्दतमा सिटीले ३–१ गोलान्तरको सहज जित निकालेको हो । वेस्टह्यामले १ गोल पनि सिटीबाट उपहारमा पाएको हो ।

निकै लयमा देखिएका हालान्डले १०औं, ३०औं र ८३औं मिनेटमा गोल गर्दै आफ्नो ह्याट्रिक पूरा गरे । जारी खेलमा हालान्डको यो दोस्रो ह्याट्रिक हो ।

सिटीका डिफेन्डर रुवेन डियासले १९औं मिनेटमा आत्मघाती गोल गरेपछि वेस्टह्याम खेलमा फर्किएको थियो । तर त्यसपछि उसले कुनै गोल गर्न सकेन ।

योसँगै सिटी ९ अंकसहित शीर्ष स्थानमा उक्लिएको छभने वेस्टह्याम १४औं स्थानमा छ।