काठमाडौं । उरुग्वेका स्टार फुटबलर लुइस सुआरेजले अन्तर्राष्ट्रिय फुटबलबाट सन्यास लिएका छन् ।

शुक्रबार पाराग्वेविरुद्ध मैदानमा उत्रन लागेका उनले उक्त खेलपछि अन्तर्राष्ट्रिय खेलबाट सन्यास लिने घोषणा गरेका हुन् ।

सेन्टेनारियो रंगशालामा आयोजित पत्रकार सम्मेलनमा भावुक हुँदै सुआरेजले भने– राष्ट्रका लागि शुक्रबारको खेल मेरा निम्ति अन्तिम हुनेछ ।’ यस्तो घोषणा गर्दा आफूलाई निकै दुःख लागेको समेत उनले बताए ।

उरुग्वेको राष्ट्रिय टिमबाट १४२ खेल खेल्दै ६९ गोल गरेका सुआरेज लिभरपुल र बार्सिलोनाका पूर्व फरवार्ड समेत हुन् ।

इन्टर मियामी क्लबमा आबद्ध सुआरेजले क्लब करिअरलाई भने निरन्तरता दिनेछन् ।