काठमाडौं । क्यानाडामा जारी आइसिसी पुरुष क्रिकेट विश्वकप लिग २ मा क्यानाडाविरुद्धको खेलमा नेपालका मुख्य ब्याट्सम्यान चल्न नसक्दा आठौं नम्बरमा ब्याटीङमा आएका सन्दीप लामिछानेले ४९ रन प्रहार गरेका छन् । एकदिवसिय क्रिकेटमा यो उनको उच्च स्कोर हो । अर्धशतकका लागि उनी एक रनले चुके ।
८७ रनमा सातौं विकेट गुमेको अवस्थामा उनी ब्याटीङमा उत्रिएका छन् । सुरुदेखि नै उनले आक्रमक ब्याटीङ गरेका थिए । उनले सोमपाल कामीसँग ५५ रनको साझेदारी गरेका थिए । त्यस्तै करण केसीसँग पनि उनको ३९ रनको साझेदारी गरेका छन् । ४८ बलमा उनले ४९ रन जोडेका हुन् ।

टस जितेर पहिले ब्याटीङ गरेको नेपालले क्यानाडालाई १८२ रनको लक्ष्य दिएको छ ।४६.१ ओभरमा नेपाल अलआउट भएको हो ।