काठमाडौं । नेपाल प्रिमियर लिग (एनपिएल) मा सुदूरपश्चिम रोयल्सले जनकपुर बोल्ट्सलाई १२४ रनको मध्यम लक्ष्य दिएको छ ।

त्रिवि क्रिकेट मैदान कीर्तिपुरमा पहिले टस हारेर ब्याटिङ सम्हालेको सुदूरपश्चिमले पूरै २० ओभर खेल्दै ९ विकेटको क्षतिमा १२३ रन बनाएको हो ।

सुदूरपश्चिमका लागि विनोद भण्डारीले सर्वाधिक ३३ रन बनाउँदा सैफ अली जैबले २१, इशान पाण्डेले १७ र ब्रान्डन म्याकमुलेनले ११ रनको योगफल बनाए । यसबाहेक सुदूरपश्चिमका कुनै पनि ब्याटरले दोहोरो रन अंक बनाउन  ।

सुदूरपश्चिमका अलराउण्डर दीपेन्द्र सिंह ऐरी आजको खेलमा पनि शून्य रनमै आउट भए । जनकपुरको तीन बलको सामना गरेका उनी अरनिको यादवबाट आउट भएका हुन् । यसअघिको एक खेलमा पनि उनी रनविहीन बनेका थिए ।

बलिङतर्फ किशोर महतोले ४ विकेट लिए । त्यस्तै, शेर मल्ल र अरनिको यादवले २÷२ तथा हर्ष थाकरले १ विकेट झारे ।