काठमाडौं । नेपाल प्रिमियर लिग (एनपिएल) मा कर्णाली याक्सले लुम्बिनी लायन्सलाई १२९ रनको लक्ष्य दिएको छ ।

त्रिवि क्रिकेट मैदानमा पहिले ब्याटिङ सम्हालेको कर्णालीले २० ओभरमा ८ विकेटको क्षतिमा १२८ रनको योगफल बनाएको हो ।

कर्णालीका लागि विलियम बोसिस्टोले उत्कृष्ट प्रदर्शन गरे । २९ बलको सामना गरेका उनले ३÷३ छक्का र चौका हिर्काउँदै ४५ रन जोडे । त्यस्तै, अर्जुन घर्तीले २४, बाबर १८ र चाडविक बाल्टले १३ रनको योगदान दिए । यसबाहेकका अन्य ब्याटरले भने दोहोरो योगफल बनाउन सकेनन् ।

बलिङतर्फ लुम्बिनीका विकास आग्रीले ३, तिलकराज भण्डारीले २ तथा रोहितकुमार पौडेल, साद विन जफर र रामोन सिमण्ड्सले समान १/१ विकेट लिए ।