काठमाडौं । नेपाल प्रिमियर लिग (एनपिएल) मा पोखरा एभेन्जर्सले काठमाण्डु गुर्खाजलाई १३९ रनको लक्ष्य दिएको छ ।

शनिबार बिहानबाट जारी खेलको सुरुमा ब्याटिङ सम्हालेको पोखराले निर्धारित २० ओभरमा ८ विकेटको क्षतिमा १३८ रन बनाएको हो ।

पोखराका लागि रेमन रेफरले सर्वाधिक ४१ रनको योगफल बनाउँदा दिनेश खरेल ३८,  दिलीप नाथले २७ रन बनाए । यसबाहेकका अन्य ब्याटरले भने पोखराका लागि दोहोरो रन बनाउन सकेनन् ।

बलिङतर्फ करण केसी र रासिद खानले ३/३ तथा जेरार्ड एरास्मस र माइकल लेभिटले समान १/१ विकेट लिए ।

आजको खेल जितेमा एक टिमको प्लेअफमा जाने सम्भावना बलियो हुनेछ भने हार्ने टिमको यात्रा सहज हुनेछैन । त्यसैले यी दुई टिम आज ‘गर’ या ‘मर’को अवस्थामा छन् ।