काठमाडौं । आईसीसी टी-२० विश्वकप एसिया छनोटको जारी सेमिफाइनलमा युएईविरुद्ध नेपाललाई दोस्रो सफलता मिलेको छ ।

नेपालका लागि सोमपाल कामीको बलमा युएईका मोहम्मद वसिम आउट भएका छन् । वसिमले २६ रन बनाउँदै आउट भएका हुन् ।

यस अघि सोमपाल कामीले नन स्टइकमा रहेका ब्याट्सम्यान खालिद शाहलाई रन आउट गरेका हुन् ।

मुलपानी मैदानमा जारी खेलमा युएईले टस जितेर पहिले ब्याटिङ रोजेपछि नेपालले बलिङको निम्तो पाएको हो ।

आजको खेलमा जित हात पार्ने टिम आगामी वर्ष अमेरिका र वेस्ट इन्डिजमा हुने आइसिसी टी-२० विश्वकपमा स्थान पक्का गर्नेछ।

एसिया छनोट फाइनल खेल्नुअघि त्रिकोणात्मक सिरिजको लिग चरणको दुबै खेलमा नेपालले यूएईलाई हराएको थियो । तर, फाइनलमा नेपाललाई हराएर युएईले उपाधि जितेको थियो ।