काठमाडौं । नेपाली फुटबल टिमका विकास खवास पनि अस्ट्रेलिया भासिएका छन् । नेपाली फुटबलर एकपछि अर्को विदेशिरहेका बेला खवासले पनि त्यही बाटो समातेका हुन् ।

खवासका साथीहरूले उनलाई बिदाइ गरेको तस्बिर सामाजिक सञ्जालमा सार्वजनिक गरेका छन् ।

खबास सन् २०२० मा नेपाली राष्ट्रिय टिममा डेब्यु गरेका थिए । विभिन्न उमेर समूह हुँदै राष्ट्रिय टिममा प्रवेश पाएका उनले सन् २०१९ मा नेपालले साग गेम्समा फुटबलतर्फ स्वर्ण पदक जित्दा महत्त्वपूर्ण योगदान दिएका थिए ।

पछिल्लो समय फुटबलरहरू पलायन हुने क्रम बढेको छ । १०० भन्दा बढी फुटबलर विदेशिए पनि तिनलाई रोक्नेतर्फ सरकारले अहिलेसम्म कुनै ठोस कदम चालेको छैन ।