काठमाडौं । राप्रपा नेपालका अध्यक्ष कमल थापाले एमालेको चुनाव चिन्ह सूर्य लिएर आफूहरू स्थानीय तह निर्वाचनमा जान सक्ने सम्भावना रहेको बताएका छन् ।

शुक्रबार चाबहिलमा आयोजित कार्यक्रममा उनले एमालेसँग चुनावी तालमेल हुने सम्भावना रहेको बताए ।

पार्टीको स्थानीय तह निर्वाचन घोषणापत्र र चुनाव चिह्न सार्वजनिक गर्नका लागि पत्रकार सम्मेलनमा अध्यक्ष थापाले तालमेलका लागि एमालेसँग छलफल चलिरहेको खुलासा गरे ।

’स्थानीय तहमा एमालेसँग तालमेल गर्न भनेर छलफल चलिरहेको छ । कुरा मिले सूर्य चिन्हलाई साझा बनाएर चुनावमा जान सकिन्छ,’ उनले भने ।

अवस्था हेरेर अरु दलसँग सहकार्य पनि चुनावी सहकार्य हुनसक्ने थापाले स्पष्ट पारे ।