काठमाडौ । एसीसी प्रिमियर कपको सेमिफाइनमा नेपालले संयुक्त अरब इमिरेट्स(यूएइ)सँग प्रतिस्पर्धा गर्ने भएको छ । समूह ‘ए’ को बिजेता नेपालले समूह ‘बी’को उपविजेता भएको यूएइसँग प्रतिस्पर्धा गर्न लागेको हो ।
समूह बी बाट ओमान बिजेता र यूएइ उपविजेता हुँदै सेमिफाइनल प्रवेश गरेका हुन् । ओमानले समूह चरणका चार मध्ये चारै खेल जित्यो भने यूएइले तीन खेल जितेको छ । बुधबारको खेलमा कुवेतलाई ४६ रनले हराउँदै यूएइ सेमिफाइनल पुगेको हो ।

समूह ए बाट नेपाल र हङकङ चीन सेमिफाइनलमा पुगेका छन् । नेपालले पनि समूह चरणका चारै खेल जितेको थियो ।
प्रिमियर कप बिजेता टिमले एसिया कप खेल्न पाउनेछ ।

सेमिफाइनलका दुवै खेल शुक्रबार हुनेछन्।