काठमाडौं । टी–२० विश्वकपअघि नेपाली टिमका कप्तान रोहित पौडेल उत्कृष्ट फर्ममा देखिएका छन् ।

वेष्टइण्डिज एविरुद्धको सिरिजमा उनले उत्कृष्ट ब्याटीङ गरेका छन् । कप्तान पौडेल प्लेयर अफ दि सिरिज समेत घोषित भएका छन् ।

पाँच खेलको सिरिजमा ४ खेल खेलेका उनले तीनवटा म्याचमा ब्याटिङ गरेका थिए । ३ खेलमा १ शतक र २ अर्धशतकसहित २६५ रन बनाएको आधारमा उनी प्लेयर अफ दि सिरिज घोषित भएका हुन् ।

नेपालका अन्य ब्याट्सम्यान सिरिजमा चल्न सकेनन् । यद्यपि, शनिबार भएको अन्तिम खेलमा आसिफ सेख र अनिल शाहले अर्धशतक प्रहार गरे । जून खेलमा नेपाल ६ विकेटले विजयी भयो । समग्रमा सिरिज ३–२ ले वेष्ट इन्डिजले जितेको छ ।