काठमाडौं । टी–२० विश्वकपको सुपर–८ अन्तर्गतको खेलमा इंग्ल्याण्डले वेस्ट इन्डिजबाट १८१ रनको लक्ष्य पाएको छ ।

टस हारेर पहिले ब्याटिङ गरेको वेस्ट इन्डिजले निर्धारित २० ओभरमा ४ विकेटको क्षतिमा १८० रन बनाएको हो ।

वेस्ट इन्डिजका लागि जोनसन चार्ल्सले ३८ र किकोलस पुरनले ३६ रनको योगदान दिए । त्यस्तै, रोभम्यान पावेलले ३६, ब्रेन्डन किङले २३, शेरफेन रदरफोर्ड २८ र रोमारियो शेफर्ड ५ रनमा अविजित रहे ।

इंग्ल्यान्डका जोफ्रा आर्चर, अदिल राशिद, मोइन अली र लियाम लिभिङस्टोनले समान एक/एक विकेट लिए ।

इंग्ल्याण्डले अहिले वेस्ट इन्डिजविरुद्ध व्याटिङ गरिरहेको छ । १० ओभरको खेल सकिँदा उसले १ विकेटको क्षतिमा ८१ रन बनाएर सहज प्रतिस्पर्धातर्फ अग्रसर बनिरहेको छ ।