बार्सिलोनासँग रियल मड्रिडको लज्जास्पद हार
काठमाडौं । रियल मड्रिडले बार्सिलोनासँग लज्जास्पद हार व्यहोरेको छ । यस सिजनको पहिलो क्लासिकोमा बार्सिलोनासँग रियल मड्रिड ४–० को फराकिलो गोलान्तरमा पराजित बनेको हो ।
बार्सिलोनाको जितका लागि आर लेवान्डोस्कीले दुई तथा लामिन यामल र फेरान टोरेसले समान एक–एक गोल गरे ।
रियलका केलियन एमबाप्पेले ३०औं मिनेटमै पहिलो गोल गरेका थिए । तर भिआरले उक्त गोललाई मान्यता दिएन । त्यसपछि रियलले गोलका लागि केही अवसर सिर्जना गरे पनि सफल हुन सकेन ।
प्रतिक्रिया