काठमाडौं । सरकारका प्रवक्ता एवम् शिक्षामन्त्री सस्मित पोखरेलले प्रधानमन्त्री बालेन साहले गत आइतबार संसदमा बोलेको कुरा सत्य भएको बताएका छन् ।

मंगलबारको मन्त्रिपरिषद बैठकपछि पत्रकारहरुसँग कुरा गर्दै मन्त्री पोखरेलले प्रधानमन्त्रीले यसअघि संसदमा बोलको विषय सत्य भएको भन्दै आवश्यक परे फेरि जवाफ दिने बताएका हुन् ।

प्रधानमन्त्रीले गत आइतबार संसदमा नेपालले पनि भारतले भूमि मिचेको बताएका थिए । प्रधानमन्त्रीको अभिव्यक्ति विवादमा परेको छ ।

मन्त्री पोखरेलले भने, ‘प्रधानमन्त्रीले नेपालले भारतको भूभाग कब्जा गरेको खबर दिल्लीबाटै आएको भएर अचम्मित छु भन्नू भएको हो । त्यसबारेमा परराष्ट्र मन्त्रालयले आवश्यक वक्तव्य दिइसकेको छ । प्रधानमन्त्रीले आवश्यकता पर्दाखेरि उहाँ फेरि सदनमा आएर उत्तर दिनुहुन्छ ।’

उनले सीमा विवादलाई वार्ताका माध्यमबाट मिलाउनुपर्छ भन्नेमा द्विविधा नरहेको र यसबारे कूटनीतिक रुपमा परराष्ट्र मन्त्रालयले काम गर्ने बताए ।