मुगु । मुगुमा नेकपा एमालेले एउटा उपाध्यक्षको सिटमात्रै जितेको छ । त्यहाँ चार वटा स्थानीय तहमा एमालेले एउटा पनि प्रमुख पद हात पार्न सकेन ।

मुगुम कार्मरोङ गाउँपालिकाको उपाध्यक्षमा एमालेकी छिरिङ तामाङ विजयी भएकी हुन् ।

त्यही गाउँपालिकाको अध्यक्ष कांग्रेसकै छिरिङ क्याप्ने लामाले जितेका छन् । त्यस्तै छायानाथ रारा नगरपालिकाको प्रमुख र उपप्रमुख दुवै पद कांग्रेसका विष्णुकुमार भाम तथा उपप्रमुख ऐश्वर्य मल्लले जितेका छन् ।

खत्याड गाउँपालिकामा माओवादीका अजबहादुर शाही अध्यक्ष र उपाध्यक्षमा कांग्रेसकी सरिता रोकाया, सोरु गाउँपालिकामा एकीकृत समाजवादीका धर्मबहादुर शाही अध्यक्ष र उपाध्यक्षमा कांग्रेसका केशरबहादुर शाही विजयी भएका छ्न् ।

नेपाली कांग्रेस दुई पालिकामा प्रमुख, तीन उपप्रमुख र १८ वडाअध्यक्ष जितेर पहिलाे स्थानमा छन् । दाेस्राेमा  माओवादीले एक पालिका अध्यक्षसहित ७ वडाध्यक्ष जितेको छ । एकीकृत समाजवादीले एक वडाध्यक्ष र एक पालिका अध्यक्ष, एमालेले एक उपाध्यक्षसहित १६ वडा आफ्नो नेतृत्वमा ल्याएकाे छ ।

यसअघिकाे निर्वाचनमा एमालेले एक प्रमुख, ४ उपप्रमुख र २१ वडामा विजयी भएकाे थियाे । कांग्रेसले ३ प्रमुखसहित १६ वडा र माओवादी ८ वडाध्यक्ष मात्रै हात पारेकाे थियाे ।