काठमाडौं । नेपालले आज राति एएफसी एसियन कप २०२३ को छनोट खेलमा जोर्डनविरुद्ध खेल्दैछ । नेपाली समय अनुसार आज राति ९ बजे नेपालले जोर्डनविरुद्ध खेल्न लागेको हो ।

यो खेल कुवेतको जाबिर अल अहमद रंगशालामा हुँदैछ । नेपालले यसपटक सबै सिनियर नभइ युवा टिमलाई पठाएको छ । पछिल्लो समय विवाद बढेपछि नियमित कप्तान किरण चेम्जोङ, उपकप्तान रोहितसहितका सिनियर खेलाडी टिममा हुने छैनन् ।

पछिल्लो समय नेपाली फुटबल र मुख्य प्रशिक्षक अब्दुल्लाह अलमुताईरीबीच विवाद बढेको छ ।

कप्तानको जिम्मेवारी नवयुग श्रेष्ठलाई दिइएको छ । जोर्डनसँग नेपालले अहिलेसम्म चार खेल खेल्दा एकमा बराबरी र तीनमा पराजय बेहारेको छ ।