सर्वोच्चमा गोरु ब्यायो, पाँचवटा बाच्छा पायो : ओली
काठमाडौं । नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले परमादेशप्रति लक्षित गर्दै अहिले सर्वोच्च अदालतमा गोरु ब्याएको बताएका छन् ।
प्रेस चौतारी नेपालको नवौं महाधिवेशनलाई सम्बोधन गर्दै अध्यक्ष ओलीले सर्वोच्चमा गोरु ब्याएर पाँचवटा बाच्छासमेत पाएको टिप्पणी गरे ।
राजनीतिज्ञ स्वर्गीय राजेश्वर देवकोटाको भनाइ स्मरण गर्दै उनले भने, ‘सर्वोच्च अदालतको परमादेशबाट गोरुले अहिलेको सत्ता गठबन्धन नामक पाँचवटा बाँच्छा पाएको छ ।’
ओलीले पाँचवटा बाच्छा भनेर कांग्रेस, माओवादी केन्द्र, एकीकृत समाजवादी, जसपा र राष्ट्रिय जनमोर्चा गरी सत्ता गठबन्धनमा रहेका पाँच दललाई लक्षित गरेका थिए ।
ओलीले सेटिङमा सबै काम भइरहेको आरोपसमेत लगाए । उनले संसदले सरकार बनाउने अधिकार परमादेशबाट खोसिएको बताउँदै सोही कारण मुलुक अहिले दुई धारमा बाँडिएको बताए ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया