काठमाडौं । निर्वाचन आयोगले निर्वाचनमा पोस्टर र ब्यानर टाँस्न निषेध गरेको छ । यही आउँदो बैशाख ३० गते हुने भएको निर्वाचनमा राजनीतिक दल तथा उम्मेदवारले पोस्टर र ब्यानर नटाँस्न आयोगले आग्रह गरेको हो ।

आयोगका सहप्रवक्ता सूर्य प्रसाद अर्यालले उक्त कार्य आचारसंहिता विपरित रहेको र त्यस्ता कार्य गर्ने राजनितिक दल तथा उम्मेदवारलाई यथाशिघ्र उक्त ब्यानर तथा पोस्टर हटाउन निर्देशन दिने बताए ।

त्यस्तै उनले अटेर गर्ने दल तथा उम्मेदवारलाई एक लाख जरिवाना तिराउनेसमेत जानकारी गराए ।