काठमाडौं । सरकारले स्थानीय चुनावका लागि मतदान हुने दिन वैशाख ३० गते सार्वजनिक विदा दिएको छ ।

गृह मन्त्रालयले सोमबार विज्ञप्ति जारी गर्दै यसको जानकारी दिएको हो ।

मन्त्रालयले जारी गरेको विज्ञप्तिमा भनिएको छ, ‘स्थानीय निर्वाचनका दिन नेपालभरिका सबै सरकारी र सार्वजनिक निकायमा विदा दिने जानकारी गराउँदछौं ।’

यसअघि मन्त्रिपरिषद्को बैठकले पनि मतदानका दिन सार्वजनिक विदा दिने निर्णय गरिसकेको थियो ।