मत दुरूपयोग गरेपछि मतदान अधिकृत बर्खास्त

नेपालवाच २०७९ वैशाख ३० गते १७:०८

काठमाडौं । मत दुरूपयोग गरेको आरोपमा पक्राउ परेका एक निर्वाचन अधिकृतलाई बर्खास्त गरिएको छ ।

सर्लाहीको बलरा नगरपालिका वडा नम्बर ३ स्थित मतदान केन्द्रमा खटिएका मतदान अधिकृत राजकिशोर साहलाई बर्खास्त गरिएको हो ।

बर्खास्तपछि उनको स्थानमा सहायक मतदान अधिकृत राम प्रवेश साहलाई कामु मतदान अधिकृतको जिम्मेवारी दिएर दिएको एक अधिकारीले जानकारी दिए ।

साहले मतदातालाई चुनाव चिन्ह नै देखाएर मतदान गर्न सिकाएपछि विवाद हुँदा प्रहरीले उनलाई नियन्त्रणमा लिएको थियो । साहले मतको दुरुपयोग गरेपछि विवाद उत्पन्न हुँदा केहीबेर मतदान प्रकृया रोकिएको थियो ।