काठमाडौं । काठमाडौंको कागेश्वरी मनहरा नगरपालिकामा नेकपा एमालेका उम्मेदवार राम शरण ढुंगानाले अग्रसरता लिएका छन् । यो समाचार तयार पार्दासम्म ५३४ मतसहित उनी अग्रपंक्तिमा छन् भने नेपाली कांग्रेसका उम्मेदवार उपेन्द्र कार्कीले ४५२ मतसहित उनलाई पछ्याइरहेका छन् ।

त्यस्तैगरी नेकपा एकीकृत समाजवादीका उम्मेदवार निवर्तमान मेयर कृष्ण हरी थापाले मात्रै २७ मत पाएका छन् । उपमेयरतर्फ नेकपा एमालेकी उम्मेदवार शान्ता थापाले ४०२ मत प्राप्त गरेकी छिन् ।

उनलाई नेकपा माओवादी केन्द्रका उम्मेदवार भोला  चापागाईंले १४१ मतसहित पछ्याइरहेका छन् भने नेकपा एकीकृत समाजवादीकी उम्मेदवार सरस्वती नेपाल ३७ मतसहित अन्तिममा छिन् ।