काठमाडौं । भक्तपुरको सूर्यविनायक नगरपालिकामा एमाले विजयी भएको छ । नगर प्रमुखमा एमाले उम्मेदवार वासुदेव थापा १४ हजार ७ सय ५८ मत ल्याएर विजयी भएका हुन् ।

पराजित कांग्रेस उम्मेदवार निशान ढुंगेललले १३ हजार २३२ मत ल्याए ।

एमाले अध्यक्ष केपी ओली र नेता महेश बस्नेतको बसोबास रहेको क्षेत्रमा एमाले १ हजार ५२६ मतान्तरले विजयी भएको हो ।

उपमेयर एमालेकै सरिता भट्टराई भारी मतले विजयी भएकी छिन् । उनी १४ हजार ४ सय ९० मतसहित विजयी हुँदा कांग्रेसका श्यामसुन्दर बस्नेतले ६ हजार ६ सय ६१ मत मात्रै ल्याए ।