थप ७६० जना कोरोना संक्रमित थपिए, एकको मृत्यु

नेपालवाच २०७९ साउन १९ गते १५:५६

काठमाडौं । गत २४ घण्टामा ५ हजार ९२६ जनामा कोरोना परीक्षण गर्दा थप ७६० जना संक्रमित थपिएको स्वास्थ तथा जनसंख्या मन्त्रालयले जनाएको छ ।

बुधबार ९१५ जनामा कोरोना संक्रमण देखिएको थियो । त्यस्तै गएको २४ घण्टाको अवधिमा १ जना संक्रमितको मृत्यु भएको छ । नेपालमा कोरोनाका कारण मृत्यु हुनेको संख्या ११ हजार ९६९ पुगेको छ भने ३२४ जना निको भएका छन् ।

यो सँगै निको हुनेको संख्या ९ लाख ७१ हजार २५० पुगेको छ । मन्त्रालयका अनुसार पछिल्लो २४ घण्टामा देशभर ५ हजार ६०२ जना सक्रिय संक्रमित रहेका छन् । बुधबार ५ हजार ४३३ सक्रिय संक्रमित रहेका थिए ।

No photo description available.