सुदुरपश्चिम । जाडोयाम सुरु भएसँगै सुदुरपश्चिममा डेंगीका संक्रमित घटेका छन् ।

कार्तिक महिनाको यहि समयमा ७५ भन्दा बढी डेंगी संक्रमित अस्पताल भर्ना भएकोमा पछिल्लो एक महिनामा आधा भन्दा कम रहेको प्रदेश स्वास्थ्य निर्देशनालयका भेक्टर कन्ट्रोल निरीक्षक हेमराज जोशीले बताए ।

जोशीका अनुसार जाडो समयमा लामखुट्टेको वृद्धिविकास निकै कम हुन्छ । निर्देशनालयका अनुसार डेंगीबाट कैलालीमा २, अछाम र कञ्चनपुरमा १/१ गरी ४ जनाको मृत्यु भएको थियो भने बाजुरामा २६,अछाममा ४०, डडेल्धुरामा ४२, बैतडीमा ७३ डेंगी संक्रमित देखिएका थिए ।

कन्चनपुर, कैलाली र दार्चुलामा भने डेंगी संक्रमितको संख्या २ सय नाघेको थियो । तर अहिले जाडो बढेसँगै डेंगीका  संक्रमितहरू पातलिएका छन् ।