काठमाडौं । गत आर्थिक बर्ष सरकारको विषेश सिफारिसमा नेपालमा १ सय ९८ प्रकारका औषधि आयात गरिएको छ ।

औषधि व्यवस्था विभागको सिफारिसमा नेपालमा १ सय ९८ प्रकारका औषधिहरु आयात भएका हुन् ।

त्यसरी आयात गरिएका अधिकांश औषधिहरु क्यान्सर, क्षयरोग तथा एचआईभी जस्ता रोगबाट ग्रसित विरामीले खाने औषधि रहेको विभागले जनाएको छ ।

नियमित रूपमा उपलव्ध नभएका तथा आयात नगरिएका ती औषधिहरु बिरामीको माग अनुसार अस्पतालले गरेको सिफारिसको आधारमा औषधि व्यवस्था विभागले विशेष सिफारिस प्रदान गरेर ल्याइएको हो ।

गत मङ्गलबार विभागले २०७८ साउन देखि २०७९ असार मसान्त सम्म आयात गरिएका औषधिहरुको सूची प्रकाशित गरेको छ ।