काठमाडौं । नेपाली कांग्रेसले आइतबार स्थानीय तहको निर्वाचनका लागि पार्टीको घोषणापत्र सार्वजनिक गर्दै गएको पाँच वर्ष कम्युनिस्ट नेतृत्वको सरकारले त्यतिकै खेर फालेको आरोप लगाएको छ ।

कांग्रेसले ०७४ को निर्वाचनपछि लामो संक्रमण र राजनीतिक अस्थिरताको अन्त्य भइ स्थिरताको स्वर्णिमकाल आएको भए पनि कम्युनिस्टहरूले सदुपयोग गर्न नसकेको टिप्पणी गरेको छ ।

स्थानीय निर्वाचनका लागि कांग्रेसको घोषणापत्र सार्वजनिक (पूर्णपाठसहित)

यसक्रममा कांग्रेसले एमाले अध्यक्ष केपी शर्मा ओलीलाई जनउत्तेजनाको व्यापारीको संज्ञासमेत दिएको छ ।

यस्ता छन् ८ आरोप :

१. जनउत्तेजनाको व्यापारीको कारण देश भयंकर संकटमा फस्ने जोखिम बढेको ।

२. संवैधानिक प्रावधान अनुसारका संस्थाको निर्माण र सुदृढीकरण नगरेको ।

३. स्वायत्त संस्थाहरूको स्वतन्त्र विकास, व्यवस्थाको सुदृढीकरण नगरेको ।

४. सङ्घीयताको प्रभावकारी कार्यान्वयन, सुशासनमा वृद्धि र भ्रष्टाचार नियन्त्रणमा चुकेको ।

५. नागरिकको स्वतन्त्रता र सिर्जनशीलतालाई प्रोत्साहन, रोजगारी अवसर वृद्धि नगरेको ।

६. संवैधानिक प्रावधान अनुसारका संस्थाको निर्माण र सुदृढीकरण नगरेको ।

७. जनसरोकारका विषयमा, सेवा र सुविधाको प्रवाहमा उल्लेखनीय सुधार नगरेको ।

८. स्थिरताको लाभबाट बञ्चितमात्र नगरी झन् भयङ्कर अस्थिरताको जोखिम बढाएको ।

‘ओलीजस्तो जनउत्तेजनाको व्यापारीका कारण देश भयंकर संकटमा फस्ने जोखिम बढ्यो’