काठमाडौं । निर्वाचन आयोगले उम्मेदवारहरूलाई स्थानीय तहको निर्वाचनमा बैंकमार्फत मात्र खर्च गर्न निर्देशन दिएको छ । मंगलबार एक विज्ञप्ति जारी गर्दै यस्तो निर्देशन दिएको हो ।

‘आयोग ऐन, २०७३, निर्वाचन (कसुर तथा सजाय) ऐन, २०७३ तथा निर्वाचन आचारसंहितालाई ख्याल गरी बैंकमार्फत मात्र खर्च गर्न उम्मेदवारहरूलाई आग्रह गर्दछौं’, विज्ञप्तिमा भनिएको छ ।

यसैगरी, आयोगले उम्मेदवारले बैंकमार्फत खर्च गरेको–नगरेको ख्याल गर्न सम्बन्धित निकायहरूलाई निर्देशन दिएको छ ।

सबै मुख्य निर्वाचन अधिकृतको कार्यालय, निर्वाचन अधिकृतको कार्यालय, प्रदेश निर्वाचन कार्यालय तथा जिल्ला निर्वाचन कार्यालयलाई आयोगले निर्देशन दिएको हो ।

निर्वाचन आयोग ऐन, २०७३ ले निर्वाचन खर्चसम्बन्धी व्यवस्थामा पनि उम्मेदवारले निर्वाचन खर्च गर्न बैंक वा वित्तीय संस्थामा खाता खोल्नुपर्ने उल्लेख छ ।