काठमाडौँ महानगरपालिकामा १५६ केन्द्र र ३६३ मतदानस्थल
काठमाडौं । शुक्रबार हुने स्थानीय तह निर्वाचनमा काठमाडौँ महानगरपालिकामा १५६ केन्द्र र ३६३ मतदानस्थल तोकिएको छ । तीन लाख २४२ मतदाता रहेको काठमाडौँ महानगरपालिका वडा नं १६ मा सबैभन्दा धेरै २० हजार १७५ मतदाता रहेका छन् ।
धेरै मतदाता हुने दोस्रोमा वडा नम्बर ३२ रहेको छ । यस वडामा १८ हजार ९१३ जना मतदाता छन् । वडा ३१ मा १८ हजार १०७ जना मतदाता छन् । त्यसैगरी वडा नम्बर १ सबैभन्दा कम मतदाता रहेका छन् । यस वडामा ३ हजार ७२९ मतदाता छन् ।
वडा नम्बर २३ मा चार हजार ४७७, र वडा २० मा ४ हजार ६१४ मतदाता रहेका छन् । काठमाडौँ महानगरपालिकामा १५६ वटा मतदान केन्द्र तोकिएका छन् । यसमा ३६३ वटा मतदानस्थल छ ।
वडा नम्बर ३१ सबैभन्दा धेरै मतदान केन्द्र भएको वडा हो । यसैगरी वडा १६ मा १० केन्द्र, वडा ७ र ३२ मा ९/९ वटा केन्द्र रहेका छन् । सबैभन्दा कम मतदान केन्द्र भएको वडा नम्बर २३ रहेको छ। यसमा एउटा मात्र केन्द्र छ । वडा १९, २० र २४ मा २/२ वटा मात्र केन्द्र छन् । यसैगरी वडा नम्बर १, ५, ८, १२, १८ र २९ मा ३/३ वटा मतदान केन्द्र छन् ।
सबैभन्दा धेरै मतदानस्थल भएको वडा नम्बर १६ हो । यस वडामा २३ वटा बुथ छन् । वडा ३१ र ३२ मा २२/२२ वटा मतदानस्थल रहेका छन् । धेरै मतदानस्थल भएको तेस्रो वडा १४ हो । यस वडामा २१ वटा मतदानस्थल रहेको महानगरले जनाइएको छ ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया