काठमाडौं । काठमाडौं महानगरपालिकाको मेयर पदका उम्मेदवार केशव स्थापितले मतगणनाकाे पछिल्लाे नतिजामा स्वतन्त्र उम्मेदवार बालेन शाहभन्दा एक मत धेरै ल्याएका छन् ।

यसअघि स्थापितको मत ५८४१ थियो भने अहिले पछिल्लो अपडेटमा उनको मत ५९५६ पुगेको छ ।

त्यस्तै बालेनले यसअघि १०८९९ मत प्राप्त गरेका थिए भने अहिले उनको मत ११४ ले बढेर ११०१३ मत पुगेको छ ।

यसरी हेर्दा अघिल्लो पटक सार्वजनिक गरिएको मतबाट पछिल्लो पटकको मत घटाउँदा केशव स्थापितले ११५ मत ल्याएका छन्, भने बालेनको ११४ आएको छ । यी दुई प्रतिस्पर्धीबीच पछिल्लाे गणनाकाे मतान्तर १ मत मात्रै छ ।

स्वतन्त्रबाट उम्मेदवारी दिएका बालेन सुरूवातदेखि नै अगाडि रहेका छन् । समग्रमा स्थापित ५ हजार ५७ मतले बालेनभन्दा पछाडि छन् । त्यस्तै नेपाली कांग्रेसकी सिर्जना सिंहले ५ हजार २११ मत प्राप्त गरेकी छन् ।

महानगरका वडा नं. १, २, ३, ४, ५, ६, ३१ र ३२ को मत गणना भइरहेको छ । यी सबै वडामा बालेनकै अग्रता देखिएको छ ।

स्थापितभन्दा बालेन ५०१० मतले अगाडि