नाम्खामा गठबन्धनको जित

नेपालवाच २०७९ जेठ ३ गते १६:२९

हुम्ला । हुम्लाको नाम्खा गाउँपालिका अध्यक्षमा गठबन्धनको तर्फबाट नेकपा (माओवादी केन्द्र) का प्रेम लामाले जित हासिल गरेका छन् । उपाध्यक्षमा नेपाली कांग्रेसका तकदिर लामा विजयी भएका छन् ।

अध्यक्षमा लामाले एक हजार ४६६ मतकासाथ विजयी भएका हुन् भने उनका प्रतिस्पर्धी स्वतन्त्र उम्मेदवार सूर्य लामाले ६६२ मत प्राप्त गरे ।

त्यसैगरी उपाध्यक्षमा लामाले एक हजार ९४ मत प्राप्त गरे भने उनका प्रतिस्पर्धी लाक्पानुर्बु लामाले ५६५ मत ल्याए ।

तीन हजार १८२ मत रहेको नाम्खामा दुई हजार ३७१ मत खसेको थियो ।