काठमाडौं । पोर्चुगिज विंगर लुइस नानी अष्ट्रेलियन क्लब मेलबर्न भिक्ट्रीमा अनुबन्धित भएका छन् ।

इंग्लिस क्लब म्यानचेस्टर युनाइटेडका पूर्वस्टार नानीलाई अष्ट्रेलियन ए लिग क्लब मेलबर्नले मंगलबार अनुबन्ध गरेको हो ।

नानी २०२२-२३ को सिजनका लागि अनुबन्धित भएको क्लबले जनाएको छ ।

च्याम्पियन्स लिग विजेतासमेत रहेका नानीले पछिल्लो सिजन इटालियन सिरी बी क्लब भेनेजियाबाट खेलेका थिए ।

युनाइटेडबाट २००७ देखि २०१५ सम्म खेलेका नानीले १ सय ४७ खेल २५ गोल गरेका थिए । उनले अर्का पोर्चुगिज सुपरस्टार क्रिस्टियानो रोनाल्डोसँगै युनाइटेडमा खेलेका थिए ।

पोर्चुगलबाट नानीले युरोकप जितेका छन् । उनले राष्ट्रिय टोलीमा ११२ खेल खेल्दै २४ गोल गरेका छन् ।

मेसीले यही जर्सी लगाएर विश्वकप खेल्नेछन् (६ तस्बिरसहित)