स्वास्थ्यमन्त्री खापुङ अस्पताल भर्ना

नेपालवाच २०७९ भदौ १० गते १६:१६

काठमाडौं । स्वास्थ्य तथा जनसंख्यामन्त्री भवानीप्रसाद खापुङको स्वास्थ्यमा समस्या आएपछि वीर अस्पताल भर्ना भएका छन् । उनलाई आज (शुक्रबार) वीर अस्पताल भर्ना गरिएको हो ।

स्रोतका अनुसार रिंगटा लाग्ने, बान्ता हुनेजस्ता समस्या देखिएपछि मन्त्री खापुङलाई अस्पताल लगिएको हो । उनको अवस्था भने सामान्य रहेको छ । खापुङ पछिल्लो एक हप्तादेखि गृह जिल्ला तेह्रथुम थिए। उनी हिजोमात्रै काठमाडौं आएका हुन्।