काठमाडाै । आजको यो दौडधुपको जीवनमा फुर्सदको समय कोसँग होला ? यदि कसैसँग थोरै फुर्सदको समय भइहालेमा पनि धेरैलाई समयको सही सदुपयोग कसरी गर्ने भन्नेबारे ज्ञान हुँदैन । त्यसैले खाली समय त्यसै खेर गइरहेको हुन्छ ।

यदि हामी आफ्नो जीवनलाई राम्रो बनाउन चाहन्छौं भने हामीले आफ्नो खाली समयको पनि सदुपयोग गर्नुपर्छ । खाली समयमा हामीले आफ्नो जीवनलाई राम्रो दिशा दिन सक्छौं।

हामी साताभर काममा व्यस्त नै हुन्छौं । हप्तामा एक दिन मात्रै हामीसँग खाली समय हुन्छ, कतिको त त्यो पनि नहुन सक्छ । खाली समयमा आफ्नो वा आफ्नो परिवारको लागि राम्रो काम गर्न सक्नुहुन्छ। सबैलाई समय दिने धेरै अवसरहरू हुन सक्छन्। यसले तपाईंलाई सबैको मनपर्ने बनाउँछ र तपाईंको समय पनि सदुपयोग हुनेछ।

खाली समयको सही सदुपयोग गर्न यी ७ सात सुझाव उपयुक्त हुन सक्छन् :

१. यो समयमा हामीले आफुमा भएका कमजोरी केही छ भने त्यसलाई सुधार्नु पर्छ । आफ्नो कमजोरीहरू खोज्नको लागि यो समय निकै उपयुक्त हुन सक्छ । फुर्सदको समयमा हामीले ती कमीहरूलाई पूरा गर्नुपर्छ । काम गर्दा, हामीले आफ्नो बारेमा सोच्ने समय पाउँदैनौं। यो समयमा आफैमा काम गर्नुहोस् र आफ्नो व्यक्तित्व बढाउनुहोस्।

२. अहिले मोबाइल कम्प्युटर सबैले प्रयोग गर्छन् । तर प्रायः मनोरञ्जनका लागि। यो फुर्सदको समयमा हामीले मोबाइल, कम्युटर मनोरञ्जनको लागि मात्रै नभएर आफ्नो ज्ञान बढाउन सक्छौं। यसबाट हामी आफ्नो ज्ञानलाई अझ राम्रो बनाउन सक्छौं। केही प्रश्न हाम्रो मनमा आइरहेको छ तर हामी जवाफ नपाएको हुन सक्छ । यो खाली समयमा यसैको माध्यमबाट हामी सबै कुरा सिक्न सक्छौं।

३. फुर्सदको समयमा हामीले हाम्रा अधुरा कामहरू पूरा गर्न सकिन्छ । यो खाली समयको राम्रो सदुपयोग हुनेछ। हामी यो समयमा ती सबै अधुरा कामहरू गर्न सक्छौं। जुन तपाईले कामको समयमा गर्न सक्नुहुन्न । तपाईले आफ्नो परिवार वा तपाईसँग सम्बन्धित काम गर्न सक्नुहुन्छ।

४.हामी आफ्नो फुर्सदको समय आफ्नो घर सजाउन प्रयोग गर्न सक्छौं, हामी आफ्नो घरको सरसफाइ गर्न सक्छौं, काम गर्नेहरूले आफ्नो घर सफा गर्ने उचित अवसर पाउँदैनन्, तपाईंले यसलाई सफा गर्न सक्नुहुन्छ, तपाईंले घरमा आवश्यक चीजहरू यही बेला ल्याउन सक्नुहुन्छ।

५. यो फुर्सदको समयमा साथीहरूलाई समय दिन सक्छौं। हाम्रा धेरैजसो साथीहरूले दिनमा हाम्रो लागि समय नपाएका गुनासो गर्छन्।
रात काममा व्यस्त छ, फुर्सदको समयमा हाम्रा ती साथीहरूको सबै गुनासो हटाउन सक्छौँ, उनीहरूसँग रमाउन, कुरा साटसाट गर्न सक्छौँ, फोनमा कुरा गर्न सक्छौँ, फुर्सदको समयमा चिया खान बोलाउन सक्छौँ । भेट्न जान सक्छौँ । यसरी हामी हाम्रा ती सबै साथीहरूलाई समय दिन सक्छौं।

६. हामी फुर्सदको समयमा पैसा कमाउन सक्छौं। आजकाल यस्ता धेरै अनलाईन वा अफलाइन कामहरू छन् जसको माध्यमबाट हामीले हाम्रो खाली समयमा पैसा कमाउन सक्छौं। यसबाट तपाईंले थप पैसा बचत गर्न पनि सक्नुहुन्छ।

७. यो फुर्सदको समयमा हामी भविष्यको योजना बनाउन सक्छौं। कयौं पटक समय अभाव, व्यस्त जीवनशैलीको कराण हामी आफ्नो भविष्यको लागि के गर्ने भनेर सोच्न सक्दैनौं, तर भोलिको बारेमा योजना बनाउनु पनि अति आवश्यक छ । हामीले आफ्नो फुर्सदको समयमा के गर्ने वा के नगर्ने भन्ने योजना बनाउन सक्छौं।

यीबाहेक अरू पनि यस्ता धेरै कामहरु छन् जुन हामीले आफ्नो परिस्थिति अनुसार गर्न सक्छौं, यो तपाईमा भर पर्छ कि तपाईले आफ्नो समयको राम्रो सदुपयोग कसरी गर्ने भनेर । हामीले त्यो काम मात्र गर्नुपर्छ जसले हामीलाई राम्रो नतिजा दिन मद्दत गर्छ ।