काठमाडौं। चितवन– २ को उपनिर्वाचनका क्रममा आइतबार रास्वपाका सभापति रवि लामिछानेले निर्वाचन आचारसंहिता उल्लंघन गरेको आरोप लगाउँदै प्रतिस्पर्धीले मुख्य निर्वाचन अधिकृतको कार्यालयमा उजुरी दिएका छन् ।

कांग्रेसका उम्मेदवार जितनारायण श्रेष्ठका प्रतिनिधि ध्रुवराज पोखरेलले कार्यालयमा पुगेर उजुरी दिएका हुन् । बिहानैदेखि तनावग्रस्त रहेको भोजडस्थित नयाँकिरण मावि मतदान केन्द्रमा विवाद पछि केहीबेरा मतदान स्थगित भएको थियो ।

स्थगित रास्वपाका प्रतिनिधिसहित बसेको सर्वदलीय बैठकले स्थगित मतदान सुचारू गराउन सहमत भएपछि पुनः मतदान भएको हो ।
उजुरीमा रवि र उनको दल रास्वपाले निर्वाचन आचारसंहिताविपरित मतदानस्थलमा हुलहिज्जत गरेको, प्रशासनको ठाडो आदेशमा मतदाता र प्रतिनिधिमाथि बल प्रयोग गरेको लगायत आरोप छ ।