काठमाडौं । ड्युटीमा रहेका सशस्त्र प्रहरीका सईमाथि खुकुरी प्रहार भएको छ । कञ्चनपुरको दोधारा चाँदनी नगरपालिका–७, कञ्चन भोजस्थित बोर्डरको आउट पोष्ट (बिओपी) का प्रमुख सशस्त्र प्रहरी नायब निरीक्षक (सई) नरेन्द्र चैंसिरमाथि खुकुरी प्रहार भएको हो ।

जिल्ला प्रहरी कार्यालय कञ्चनपुरले शुक्रबार राति चौंसिर ड्युटीमा रहेका बेला स्थानीय युवाहरूको एक समूह आएर खुकुरी प्रहार गरेको जनाएको छ ।

उनको बायाँ पाखुरामा चोट लागेको छ ।

होहल्ला गरिरहेका १०–१५ जनाको संख्यामा रहेका स्थानीय युवाको समूहलाई सम्झाउँदै गर्दा उनीमाथि आक्रमण भएको जनाइएको छ ।

आक्रमणकारी समूह फरार रहेको र उनीहरूको खोजी कार्य भइरहेको प्रहरीले जनाएको छ ।