काठमाडौं । सरकारले एकअर्कामा जिम्मेवारी बाँझिने २० वटा सार्वजनिक निकाय र संस्थाहरू खारेज गरेको घोषणा गरेको छ ।

अर्थमन्त्री डा प्रकाशशरण महतले आज आर्थिक वष २०८०/८१ को बजेट प्रस्तुत गर्दै सो जानकारी गराएका हुन् ।

खर्च कटौतीका नाममा सरकारले कार्य बाँझिने र एकै प्रवृत्तिका यस्ता सरकारी संस्थाहरू खारेज गरिएको घोषणा गरेको हो । यसमा विभिन्न आयोग, प्रतिष्ठानलगायत निकायहरू समावेश छन् ।

त्यस्तै, उस्तै प्रकृतिका कार्यक्षेत्र रहेको निकाय गाभ्ने प्रक्रियामा जाने अर्थमन्त्री महतले बताएका छन् ।

क्षेत्राधिकारका आधारमका प्रदेश तथा स्थानिय तहबाट व्यवस्थापन गर्न उपयुक्त हुने समितिहरु तत् तत् तहमा हस्तान्तरण गर्ने पनि उनले बताए ।