काठमाडाैं । धितोपत्र बजारमा शेयर कारोबार मापक नेप्से परिसूचक आज उच्च अङ्कले उकालो लागेको छ । नेपाल स्टक एक्सचेञ्जका अनुसार नेप्से परिसूचक ५२.२६ अङ्कले उकालो लागेर दुई हजार ९४ दशमलव ३३ विन्दुमा पुगेको छ ।

आज २८० स्टकको ७० हजार ६४७ पटक कारोबारमा १ करोड २० लाख ९५ हजार ९६६ कित्ता सेयर खरिदबिक्री हुँदा ४ अर्ब ८६ करोड ९१ लाख ८४ हजार रूपैयाँको कारोबार भएको छ ।

कारोबार भएका कूल १३ उपसमूहमध्ये बैंकिङबाहेकका उपसमूहको सेयर मूल्य उकालो लागेको छ । बैंकिङ ०.२९ प्रतिशतले घटेको छ ।

बढेका उपसमूहरूमा विकास बैंक १.३५, वित्त २.१२, होटल तथा पर्यटन ६.१५, जलविद्युत ३.९७, लगानी १.४५, जीवन बीमा ६.३८, उत्पादन २.६४, माइक्रोफाइनान्स २.७२, म्युचल फण्ड ०.८३, नीर्जीवन ४.६८, अन्य ६ र व्यापार ३.४३ प्रतिशतले बढेको छ ।

नेप्सेका अनुसार कारोबार आधारमा शिवम् सिमेन्ट शीर्ष स्थानमा छ । उक्त  कम्पनीको ३६ करोड ६४ लाख ९९ हजार बराबरको कारोबार भएको छ । यस्तै,  आइजिआइ प्रुडेन्सियलको १६ करोड ९३ लाख ५८ हजार, सोल्टी होटल १६ करोड ६६ लाख ९ हजार, नेपाल लाइफ इन्स्योरेन्स १६ करोड ५४ लाख २४ हजार र नेपाल दुरसञ्चारको १४ करोड ७४ लाख ८९ हजार  रूपैयाँ बराबरको कारोबार भइ शीर्ष पाँच भित्र पर्न सफल भएका छन् ।

आज एक दर्जन कम्पनीका सेयरमा सकारात्मक सर्किट लागेको छ । नेपाल इन्स्योरेन्स, प्रभु लाइफ इन्स्योरेन्स, ग्रीन भेञ्चर, सुपर म्यादी हाइड्रोपावरलगायत एक दर्जन कम्पनीको सेयरमा सकारात्मक सर्किट लागेको छ ।

त्यस्तै सुभम् पावर लिमिटेडका लगानीकर्ताले सर्वाधिक ५.५८ प्रतिशतका दरले गुमाएका छन् ।