घोराही सिमेन्टको आइपीओ रोक्न बोर्डको निर्देशन

नेपालगन्ज भन्सारः दश महिनामा लक्ष्यको ६८ प्रतिशत राजस्व सङ्कलन

घोराही सिमेन्टको आइपीओ रोक्न बोर्डको निर्देशन

नेपालवाच २०८० असार ४ गते १६:३२

काठमाडाैं । नेपाल धितोपत्र बोर्डले घोराही सिमेन्टको आईपीओ निष्कासन प्रक्रिया रोक्ने निर्णय गरेको छ । बोर्डको सोमबार बसेको बैठकले कम्पनीको आईपीओ बिक्री स्थगित गर्न निर्देशन दिएको हो ।

आईपीओमा झुटा आवेदन परेको देखिएपछि सीडीएस एण्ड क्लियरिङ लिमिटेडले नेपाल धितोपत्र बोर्डलाई जानकारी गराएको थियो । त्यसकै आधारमा धितोपत्र बोर्डले आईपीओ निष्काशन प्रक्रिया स्थगित गरेको हो ।

कम्पनीले जेठ ३२ देखि प्रतिशेयर रु. १ सय अंकित मूल्यमा ३३५ रुपियाँ प्रिमियम मूल्य थप गरेर प्रतिकित्ता रु. ४३५ का दरले ६९ लाख ११ हजार ६ सय ७० कित्ता आइपीओ निष्काशन गरेको थियो ।