काठमाडौं। आज बोलाइएको प्रतिनिधिसभाकोे बैठक सूचना टाँसेर स्थगित गरिएको छ।

संघीय संसद सचिवालयमा महासचिव भरतराज गौतमद्वारा जारी सूचनामा विशेष कारण बैठक बस्न नसक्ने भएकाले सारिएको जनाइएको छ। उनकाअनुसार प्रतिनिधिसभाको अर्को बैठक भोली दिउँसो १ बजेका लागि बोलाइएको छ।

नेकपा एमालेले सुन तस्करी प्रकरणको छानबिन गर्न उच्चस्तरीय समिति बनाउने प्रतिबद्धता नआएसम्म संसद चल्न नदिने अडान लिएपछि बैठक बस्दै नबसी स्थगित भएको हो।

एमालेले लगातार सुन तस्करी प्रकरणको छानबिनका लागि उच्चस्तरिय छानबिन समितिको माग गर्दै आएको छ। आज बिहानै पनि माग पुरा नभए बैठक चल्न नलिने एमालेले बताइसकेको थियो।

यसअघि १० साउनमा बोलाइएको बैठकमा उच्चस्तरीय छानबिन समितिको माग गर्दै एमालेले बैठक अवरुद्ध गरेको थियो।