काठमाडौं । नेपाली कांग्रेसले संस्थापक नेता सुवर्ण शमसेर राणाको स्मृति दिवस पारेर ‘इकोनोमी कन्क्लेभ’ गर्ने भएको छ ।

पार्टीको अर्थनीतिसम्बन्धी कन्क्लेभ कात्तिकमा हुनेछ । हाललाई कात्तिक २४ गते तय भएको छ भने, अर्को दिन २३ या २५ भन्ने टुंगो लागि नसकेको महामन्त्री गगन थापाले जानकारी दिए ।

कांग्रेसका पहिलो अर्थमन्त्री समेत रहेका सुवर्ण शमशेरको स्मृतिलाई कांग्रेसले अर्थनीतिसँग जोडेर कार्यक्रम गर्न लागेको जनाएको हो ।
२००८ माघ १९ मा बजेट प्रस्तुत गर्ने सुवर्ण शमशेर नेपालको पहिलो व्यक्ति हुन् ।

‘इकोनोमी कन्क्लेभ’ मा अर्थविदले आर्थिक नीतिका बारेमा विभिन्न आयामवारे कार्यपत्र प्रस्तुत गर्ने कांग्रेसले जनाएको छ ।

महामन्त्री थापाका अनुसार पार्टीले विगतमा लिएका आर्थिक नीति, उपलब्धि, अवको बाटो लगायतमा छलफल गरिनेछ ।

विषय विज्ञसँग गरिने छलफल तथा अन्तक्रिया सेसनको सहजीकरणको भूमिकामा पार्टी नेताहरु पनि हुनेछन् ।