एजेन्सी । पछिल्लो समय माइग्रेनसँग आजित हुनेहरुको संख्या बढ्दो छ । माइग्रेन एक दर्दनाक ब्रेनको अवस्था हो । जसले, हरकोहीको जीवनशैलीलाई नै प्रभावित पार्दछ । तुलनात्मक रुपमा माइग्रेन पुरुष भन्दा महिलाहरुमा बढी देखिने गर्दछ । अत्याधिक टाउको दुख्ने, वाकवाकी लाग्ने, टाउको भारी हुने, थकान महशुस हुने, चिडचिडापन र कुनै कुरामा एकाग्रता नहुनु माइग्रेनको लक्षण हुन् । आज हामी माइग्रेनसँग कसरी सामना गर्ने भन्ने बारे चर्चा गर्दैछौँ ।

– चर्को लाइट वा उज्यालोसँग बच्ने, किनकी अति चम्किलो किरणले माइग्रेनको दुखाइलाई झन् बढाउँछ । आफ्नो टाउको र गर्दनमा तातो या चिसोले सेक्ने । यसले दुखाईमा आराम दिन्छ ।

– धेरै कफिनले डिहाइड्रेशनको समस्या निम्त्याउन सक्छ, त्यसैले सीमित र हल्का मात्रामा कफी पिउने ।

– अनिन्द्रा पनि माइग्रेनको मुख्य कारण मध्ये एक हो । त्यसैले आरामदायी निन्द्रा लिने र सुत्ने समय नियमित बनाउने । दिउँसोको समयमा ३० मिनेट भन्दा धेरै नसुत्ने । सुत्नु अघि, व्यायम, क्याफिन, नकोटिन र मदिरादेखि बच्ने ।

– प्रशोधित मासु, पनीर, चकलेट जस्ता खानेकुरा नखाने ।

– शरीरको तौल सन्तुलित राख्ने । ताजा फलफूल र सागसब्जी खाने ।