काठमाडौं । धितोपत्र बजारमा सेयर कारोबार मापक नेप्से परिसूचक आज पनि ओरालो लागेको छ । नेपाल स्टक एक्सचेञ्जका अनुसार नेप्से २३.३२ अंकले ओरालो लागेर दुई हजार ४२८.७५ मा ओर्लेको छ ।

यस्तै, ठूला कम्पनीको सेयर कारोबार मापन गर्ने सेन्सेटिभ परिसूचक २.२८ अंकले ओरालो लागेर ४५५.९४ मा ओर्लेको छ । कूल २२६ कम्पनीको ४३ लाख ७२ हजार १७१ कित्ता सेयर खरिदबिक्री हुँदा एक अर्ब ९९ करोड २९ लाख ७१ हजार ७६४ रूपैयाँ बराबरको कारोबार भइरहेको छ ।

नेप्सेका अनुसार कारोबार भएका कूल १३ उपसमूह मध्ये आज अन्य, म्युचल फण्ड र होटल तथा पर्यटनको मात्रै सेयर मूल्यमा उकालो लागेको छ । अन्य ०.३७ प्रतिशत, म्युचल फण्ड ०.०६ प्रतिशत र होटल तथा पर्यटन २.०६ प्रतिशतले बढेको छ ।

त्यस्तै, बैंकिङ १.१६, व्यापार २.७६, विकास बैंक १.२५, जलविद्युत् १.१८, वित्त १.६२, निर्जीवन बीमा १.६२, उत्पादन ०.३९, लघुवित्त १.१२, जीवन बीमा ०.७४, र लगानी १.६६ अंकले ओरालो लागेको छ ।