काठमाडौं। पेरिस ओलम्पिकको पुरुष फुटबलमा अर्जेन्टिनाले पहिलो जित निकालेको छ । गएराति सम्पन्न समूह चरणको खेलमा इराकमाथि अर्जेन्टिनाले ३–१ गोलान्तरको जित निकालेको हो ।

अर्जेन्टिनाका लागि थियागो अल्माडा, लुसियानो गोनडोउ र इजेक्वेल फर्नान्डेजले समान १/१ गोल गरे ।

एमेन हुसैनले पहिलो हाफको निर्धारित समय सकिन केही मिनेट बाँकी छँदा पहिलो गोल गरे पनि त्यसपछि इराकले कुनै गोल फर्काउन सकेन ।

योसँगै अर्जेन्टिनाले नकआउट यात्रा तय गरेको छ । यसअघि मोरक्कोसँग अर्जेन्टिनाले प्रतिस्पर्धा गरे पनि २–१ ले पराजित भएको थियो ।

अब अर्जेन्टिनाको समूहचरणको तेस्रो तथा अन्तिम खेलमा युक्रेनसँग प्रतिस्पर्धा गर्नेछ ।