काठमाडौं । भिडियोमा आधारीत सामाजिक सञ्जाल टिकटकविरुद्धको प्रतिबन्ध नेपालमा खुल्ने भएको छ । सरकारले टिकटकलाई सर्तसहित नेपालमा सञ्चालन हुन दिन लागेको हो ।
नेपालमा सम्पर्क कार्यालय स्थापना गर्ने र अनुसन्धानमा सघाउने प्रतिबद्धता जनाएपछि प्रतिबन्ध फुकुवा गर्न लागिएको हो ।
सञ्चार तथा सूचना प्रविधि मन्त्रालयले सञ्चालन दिने प्रस्ताव मन्त्रिपरिषद्मा लगेको छ । बिहीबारको मन्त्रिपरिषद्को बैठकले यससम्बन्धि निर्णय गर्ने सम्भावना छ । टिकटकले सरकारलाई प्रतिबन्ध खुलाउन बारम्बार आग्रह गर्दै आएको छ ।
टिकटकका कारण गलत सन्देष फैलिएको र सामाजिक सद्भावमा असर परेको भन्दै प्रचण्ड सरकारले गत वर्ष प्रतिबन्ध लगाएको थियो ।