बागलुङमा सरकारी जीप दुर्घटना, तीन जनाको मृत्यु

भारतको सिक्किममा भएको सुरुङ दुर्घटनामा नौ मजदुरको मृत्यु, १५ जना अझै बेपत्ता

बागलुङमा सरकारी जीप दुर्घटना, तीन जनाको मृत्यु

नेपालवाच २०८१ भदौ २८ गते १०:१८

काठमाडौं । बागलुङको गलकोट नगरपालिका–२, भुङ्खानीमा सरकारी जीप दुर्घटना हुँदा तीन जनाको मृत्यु भएको छ भने एक जना घाइते भएका छन् ।

मृत्यु हुनेमा दुई महिला र एक पुरुष छन् ।

बागलुङ जिल्ला प्रहरी कार्यालयका प्रहरी निरीक्षक प्रताप पौडेलका अनुसार, गलकोटतर्फ गइरहेको जीप आज बिहान दुर्घटना भएको हो ।

दुर्घटनामा परेको गाडी रुकुम पूर्वको पुथाउत्तरगंगा गाउँपालिकाको भएको खुलेको छ । गाडीमा जनप्रतिनिधि र कर्मचारी सवार थिए । तर मृतक र घाइतेको परिचय खुल्न सकेको छैन ।

प्रहरीले घाइतेको उद्धार गरी जिल्ला अस्पताल, बागलुङ पठाएको जनाएको छ ।