झ्याप्ले खोलामा पुरिएको अवस्थामा भेटियो फेरि अर्को बस

प्रस्तावित प्रमुख निर्वाचन आयुक्त र आयुक्तहरूको संसदीय सुनुवाइ साउन १२ र १३ गते हुने

झ्याप्ले खोलामा पुरिएको अवस्थामा भेटियो फेरि अर्को बस — प्रतीकात्मक तस्बिर

नेपालवाच २०८१ असोज १३ गते ९:०३

काठमाडौं । नागढुंगा-नौबीसे सडक खण्डमा पर्ने झ्याप्लेखोलामा फेरि अर्को बस पुरिएको अवस्थामा फेला परेको छ ।

गोरखाबाट काठमाडौंतर्फ आएको एक बस बेपत्ता रहेकाले पुरिएको उक्त बस त्यही हुनसक्ने अनुमान गरिएको छ । तर बसको केही भाग मात्र देखिएकाले विस्तृतमा खुल्न बाँकी छ ।

अहिले त्यहाँ डोजर प्रयोग गरेर पहिरो हटाउने र पुरिएको बस निकाल्ने प्रयास भइरहेको छ ।

अविरल वर्षापछि शुक्रबार झ्याप्लेखोलामा पहिरो खसेको थियो । उक्त पहिरोमा केही सवारीसाधन पुरिएको हुनसक्ने आशंका गरिएकोमा शनिबार दुई बस भेटिएका थिए । जसबाट १४ शव निकालिएको थियो ।