काठमाडौं । विजयादशमीको अवसरमा नेपाल प्रहरीले काठमाडौं उपत्यकामा दुईदिन निःशुल्क बस सेवा सञ्चालन गर्ने भएको छ ।
प्रहरी प्रधान कार्यालयका अनुसार यो वर्षको महाअष्टमी÷महानवमी र विजयादशमीका दिन निःशुल्क बस सेवा सञ्चालन गर्न लागेको हो । असोज २५ र २६ गते काठमाडौंमा निःशुल्क बस सेवा सञ्चालन गरिने प्रहरीले सूचना जारी गरेको छ ।

प्रहरीले दुई रुटमा निःशुल्क बस सेवा सञ्चालन गर्न लागेको हो । रुट नम्बर–१ अन्तर्गत नयाँ बसपार्क, बालाजु, बल्खु, सातदोबाटो, लगनखेल, थापाथली, पुतलीसडक, नक्साल, टिचिङ, चक्रपथ हुँदै बस सञ्चालन गरिनेछ ।

रुट नम्बर–२ अन्तर्गत एयरपोर्ट, कोटेश्वर, ठिमी, सूर्यविनायक, गौशाला, चाबहिल, चक्रपथ, बालुवाटार, नक्साल, रातोपुल हुँदै बस सञ्चालन गरिने प्रहरीले जनाएको छ ।
दुवै रुटमा बिहान र अपराह्न गरी दुई सिफ्टमा बस सेवा सञ्चालन गरिने जनाइएको छ ।