काठमाडौं । सहकारी ठगीका नाइके जिबी राइसँग निकट रहेका राष्ट्रपतिका सल्लाहकार बाबुराम कुँवरमाथि छानविनको माग बढेको छ । जिबीका कम्पनीमा कुँवर सल्लाहकार हुँदा विभिन्न सहकारीबाट करोडौं रकम लगेर अपचलन भएको थियो । जिबी र कुँवरबीच घनिष्ट सम्बन्ध रहेकाले पनि छानविनको माग बढेको छ ।
राष्ट्रिय स्वतन्त्र पार्टीले समेत मंगलबार पत्रकार सम्मेलन गरी यसको माग गरेको छ । तर, कुँवरमाथि छानविन हुन सकेको छैन । उनी प्रहरी महानिरीक्षक बसन्त कुँवरका दाई हुन् । आइजिपीले दाई संलग्न भएका कतिपय कागजपत्रहरु समृेत नष्ट गराएको आरोप लागेको छ ।
सहकारीको रकम गएको कम्पनीको सञ्चालक भएकै आधारमा रवि लामिछानेलाई पक्राउ गरी मुद्दा दायर गर्ने तर मुख्य सल्लाहकारलाई जोगाउने नीति देखिएपछि अनुसन्धान विवादमा परेको छ ।