सुनचाँदीको मूल्यमा सामान्य गिरावट

नेपालवाच २०८३ असार ३ गते ११:२९

काठमाडौं । स्थानीय बजारमा आज सुनचाँदीको मूल्यमा सामान्य गिरावट आएको छ। सुनको मूल्य तोलामा १ हजार २०० रुपैयाँ र चाँदीको मूल्य १० रुपैयाँले घटेको हो।

नेपाल सुनचाँदी व्यवसाय महासंघका अनुसार आज एक तोला सुनको मूल्य २ लाख ९७ हजार ३०० रुपैयाँ कायम भएको छ। त्यस्तै, चाँदीको मूल्य प्रतितोला ४ हजार ९८० रुपैयाँमा कारोबार भइरहेको छ।

मंगलबार भने सुनको मूल्य २ लाख ९८ हजार ५०० रुपैयाँ र चाँदी ४ हजार ९९० रुपैयाँमा कारोबार भएको थियो।

अन्तर्राष्ट्रिय बजारमा भने सुनको मूल्य प्रति औँस ४ हजार ३४९ अमेरिकी डलर र चाँदी ७० अमेरिकी डलरमा कारोबार भइरहेको जनाइएको छ।